Transcription
1
Messieurs les consulz de Romans, jay receu la lettre quil vous
2
a pleu mescripre, que avez esté adverty que à Sainct
3
Nazère sont arrivez quelques compagnies de huguenotz
4
Je vous advertis quil ne nest rien et quil nest poinct
5venu dans Sainct Nazère. [barré : personne ] Il ny a personne. Les
6
affaires vont bien dans Sainct Nazère, Dieu mercy.
7
Aujourd’huy environ huict heures de matin est venu
8
au Pont de Roians ung qui sappelle Monbrun, filz
9
dung barbier appellé Berchet, acompagné de trente
10
à quarante huguenotz ; avec luy arquebuziers sont venuz
11prendre Jehan Duguet [barré : guet ] et cinq ou six aultrres du
12
Pont de Roians, lesquelz ilz ont mené aulx montagnes
13
de Vercors et de là à Pontais ou au Chelar. Ledit
14
Monbrun avec ses compagnons n’ont demeuré audit
15
Pont que trois ou quatre heures. Ainsi, comme jay
16
esté de tout ce que adviendra en ce pays de
17
deça, je vous en advertirey, desirant toute ma
18
vie vous faire plaisir et service par tous les endroictz
19
quil vous plairra me commander daulcy bon cueur
20
que je prie Dieu,
21
Messieurs les consulz, vous donner sa grace et
22
à moy la votre. De votre maison de La Baulme, ce
23
XXIe mars 1574
24
Votre bien affectioné voisin et
25
amy à vous faire à jamais
26
Labaume Ostun
27
Quant à ce que m’espripves du
28
château de La Junchière,
29
le chastellain de Meimans avec
30
le consul furent dernierement
31
ycy qui me promirent le faire
32
bien garder. Je y tiendrey la
33
main à le faire garder.